You are here

യാത്രക്കാരെ അപകടത്തില്‍ നിന്ന് അത്ഭുതകരമായി രക്ഷപ്പെടുത്തിയ ഡ്രൈവർക്ക് ആദരവുമായി കർണാടക ആർടിസി

സ്വന്തം ലേഖകന്‍
ബെംഗളൂരു ∙ 60 യാത്രക്കാരുടെ ജീവൻ രക്ഷിച്ച കർണാടക ആർടിസി ഡ്രൈവർക്ക് ആദരം. ഗുണ്ടൽപേട്ട് ഡിപ്പോയിലെ ഡ്രൈവർ എം.ചിന്നസ്വാമിക്കാണ് കെഎസ്ആർടിസി സ്വർണമെഡൽ നൽകി ആദരിച്ചത്. നാലുമാസം മുൻപ് ചാമരാജ്നഗറിലെ ഗോപാലസ്വാമി ബേട്ടയിലാണ് അപകടമുണ്ടായത്. ചുരം ഇറങ്ങിവരുമ്പോൾ ബ്രേക്ക് തകരാറിലായ സാരിഗെ ബസ് ചുരത്തിന്റെ പാർശ്വഭിത്തിയിൽ ഇടിപ്പിച്ചു നിർത്തുകയായിരുന്നു.

കൃത്യസമയത്തു ഡ്രൈവറുടെ ഇടപെടൽ ഇല്ലായിരുന്നെങ്കിൽ ബസ് കൊക്കയിലേക്കു പതിക്കുമായിരുന്നു. ബസിലുണ്ടായിരുന്ന 60 യാത്രക്കാരെയും പരുക്കേൽക്കാതെ പുറത്തെത്തിച്ചു. അപകടത്തെത്തുടർന്നു ഗോപാലസ്വാമി ചുരം റോഡിൽ വലിയബസുകൾക്കു പകരം കെഎസ്ആർടിസി മിനിബസുകളാണു സർവീസ് നടത്തുന്നത്.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.

Related posts

Leave a Comment

Click Here to Follow Us